प्रार्थना आणि आरती
देवीप्रती भक्तिपूर्ण प्रार्थना
माते तुझ्या चरणि आश्रय देसि आम्हा ।
तेणेचि नित्य मनि। तुष्टी घडे, प्रकामा ।
लागो तुझ्या भजनी हे मन साच नित्य ।
याहून अन्य जगदंब न कांक्षी चित्त ।। १ ।।
सर्वस्व तूच आमुचे जगदंब माते ।
आम्ही तुझे प्रिय शिशुच दुजे न नाते ।
वाठो कसाही गुणहीन सदा जना मी ।
तूं माय एक करिसी मम चोज नामी ।। २ ।।
नारायणी त्रिपुर सुंदरी विश्वमातर ।
बाले शिवे परशिवे आयि शुभकांते ।। १ ।।
अंबे जगत जननी मां परिपाही नित्यं ।
इत्यं स्मरत्व निशमेव मदीय चितं ।। २ ।।
या देवी सर्व भूतेषु मातृरुपेण संस्थिता ।
नमस्तस्यै नमस्तस्यै नमस्तस्यै नमो नमः ।
रामवरदायिनी माता। गर्द होऊनी उठली ।
मर्दिले पूर्वेचि पापी। आनंदवन भूवनी ।।
प्रत्यक्ष चालिली राया। मूळमाया समागमे ।
नष्ट चांडाळ ते खाया। आनंदवन भूवनी ।।
भक्तासी रक्षिले मागे। आतांहि रक्षिते पहा ।
भक्तासी दिधले सर्वे। आनंदवन भूवनी ।।
देव भक्त येक झाले। मिळाले सर्व जीवही ।
संतोष पावले तेथे। आनंदभूवनी ।।
— समर्थ रामदास स्वामी
देवीच्या आरत्या
आरती १
दुर्ग दुर्घट भारी तुजविण संसारी ।
अनाथनाथे अंबे करुणा विस्तारीं ।
वारीं वारीं जन्ममरणांते वारी ।
हारी पडलों आता संकठ निवारी ।।
जयदेवी जयदेवी महिषासुरमथिनी ।
सुरवरईश्वरवरदे तारकसंजिवनी ।।
त्रिभुवनभुवनी पहातां तुजऐसी नाही ।
चारी श्रमले परंतु न बोलवे कांहीं ।।
साहीं विवाद करितां पडिले प्रवाही ।
ते तूं भक्तांलांगी पावसी लवलाही ।।
प्रसन्नवदने प्रसन्न होसी निजदासां ।
क्लेशांपासुनि सोडी तोडीं भवपाशा ।।
अंबे तुजवाचून कोण पुरविल आशा ।
नरहर तल्लीन झाला पदपंकजलेशा ।।
आरती २
आश्विनशुध्दपक्षी अंबा बैसलि सिंहासनीं हो ।
प्रतिपदेपासूनी घटस्थापना ती करुनी हो ।
मूलमंत्र जप करुनी भोंवते रक्षक ठेवूनी हो ।
ब्रह्मा विष्णु रुद्र आईचे पुजन करिती हो ।
उदो बोला उदो अंबाबाई माऊलीचा हो ।
उदोकारें गर्जती काय महिमा वर्णू तिचा हो ।।धृ।।
द्वितीतीयेचे दिवशी मिळती चौसष्ठ योगीनी हो ।
संकळामध्ये श्रेष्ट प्रशू-रामाची जननी हो ।
कस्तुरी मठवट भांगी शेंदूर भरुनी हो ।
उदोकारें गर्जती सकळ चामुंडा मिळुनी हो, उदो …. ।। २ ।।
तृतीयेचे दिवशी अंबे शृंगार मांडिला हो ।
मळवट पातळ चोळी कंठी हार मुक्ताफळां हो ।
कंठीची पदके कांसे पीतांबर पिवळा हो ।
अष्टभुजा मिरविती अंबे सुंदर दिसे लीला हो, उदो…. ।। ३।।
चतुर्थीचे दिवशी विश्वव्यापक जननी हो ।
उपासका पाहसी प्रसन्न अंतःकरणी हो ।
पूर्णकूपे जगन्माते मनमोहिनी हो ।
भक्ताच्या माऊली सुर ते येती लोटांगणी हो, उदो…. ।। ४।।
पंचमीचे दिवशी व्रतते उपांगललिता हो ।
अर्ध्य-पाद्य-पूजीने तुजला भवानी स्तविती हो।
रात्रीचे समयी करिती जागरण हरिकथा हो ।
आनंदे प्रेम ते आले सदभावे क्रीडतां हो, उदो…. ।। ५।।
षष्टीचे दिवशी भक्ता आनंद वर्तला हो ।
घेवूनि दिवट्या हस्ती हर्षे गोंधळ घातला हो ।
कवडी एक अर्पितां देशी हार मुक्ताफळां हो ।
जोगवा मागता प्रसन्न झाली १क्तकुळां हो, उदो…. ।। ६।।
सप्तमीचे दिवशी सप्तशृंगगडावरी हो ।
तेथें तूं नांदसी भोवतीं पुष्षें नानापरी हो ।
जाई जुई शेवंती पूजा रेखियली बरवी हो ।
भक्त संकटी पडतां झेलुनि घेसी वरचेवरी हो, उदो…. ।। ७।।
अष्टमीचे दिवशी अष्टभुजा नारायणी हो ।
सह्याद्रिपर्वती पाहिली उभी जगज्जननी हो ।
मन माझे मोहिले शरण आलो तुज लागुनी हो ।
स्तनपान देऊनी सुखी केले अतःकरणीं हो, उदो…. ।। ८।।
नवमीचे दिवशी नवव्या दिवसांचे पारणे हो ।
सप्तशतीजप होम हवने सद्भक्ती करुनी हो ।
षडूस अन्ने नैवेद्यासी अर्पियली भोजनी हो ।
आचार्य ब्राह्मणां तृप्त केले त्या कृपेकरुनी हो, उदो….।। ९।।
दशमीचे दिवशी अंबा निघे सीमोल्लंघनी हो ।
सिंहारुढ करी दारुण शस्त्रे अंबे त्वां घेऊनी हो ।
शुंभनिशुंभादेक राक्षसा किती मारिसी रणीं हो ।
विप्रा रामदासा आश्रय दिधला तो चरणी हो, उदो… ।। १०।।